Versiya 2026-05
AZEA Design Studio Digital Privilege Cards — hüquqi sənəd. Aşağıdakı şərtlər kart alışında və istifadəsində məcburidir.
Bu sənəd Azərbaycan dilində hüquqi qüvvəyə malikdir.
01
Kart yalnız AZEA Design Studio tərəfindən təqdim edilən interyer dizayn xidməti üçün keçərlidir. Kart üzrə təqdim olunan endirim yalnız dizayn xidməti haqqına tətbiq olunur və təmir-tikinti işləri, material alışı, mebel istehsalı, müəllif nəzarəti, mühəndislik xidmətləri, icra xərcləri, dövlət rüsumları, kənar podratçı xidmətləri və digər əlavə xidmətlərə aid edilmir.
02
Kartlar yalnız rəqəmsal formada keçərlidir. Fiziki kağız kupon, ekran şəkli, şifahi razılaşma və ya WhatsApp mesajı kartı keçərli etmir. Rəsmi keçərlik yalnız sistem statusu ilə müəyyən edilir.
03
Kart əldə etmək üçün müştərinin rəsmi qeydiyyatdan keçməsi və mobil/WhatsApp nömrəsini OTP vasitəsilə təsdiqləməsi tələb olunur. Bu təsdiq müştəri hesabının təhlükəsizliyini, kart sahibinin identifikasiyasını və rəqəmsal xidmət hüququnun düzgün şəxsə bağlanmasını təmin edir.
04
İstifadə haqqı kart üzrə təqdim edilən endirim hüququnun neçə ayrı AZEA Design Studio interyer dizayn xidməti sifarişində istifadə oluna biləcəyini göstərir. Hər istifadə yalnız bir ayrıca dizayn layihəsinə tətbiq olunur. Bir layihəyə bir kart üzrə birdən çox istifadə haqqı tətbiq edilə bilməz. İstifadə haqları toplanmır, nağd pula çevrilmir və digər kampaniyalarla birləşdirilmir.
05
Kart yalnız alındığı zaman hesablanmış sahə limiti daxilində endirim hüququ verir. Daha böyük sahəli layihələrdə artıq sahə ayrıca ödənişlə hesablanır.
06
Bir istifadə hüququ qismən bölünmür. İstifadə hüququ konkret layihəyə tətbiq edildikdən sonra həmin istifadə tam istifadə edilmiş hesab olunur və istifadə olunmayan fərq nağd, bonus və ya növbəti layihəyə qalıq kimi keçirilmir.
07
Kart üzrə endirim yalnız AZEA Design Studio interyer dizayn xidməti haqqına tətbiq olunur. Hər hansı əlavə xidmət, əlavə sahə, əlavə düzəliş, müəllif nəzarəti, material, mebel, təmir-tikinti, mühəndislik, nəqliyyat, səfər və üçüncü tərəf xidməti ayrıca ödəniş tələb edir. Bu əlavə xidmətlər kart qiymətinə daxil deyil və ayrıca kommersiya təklifi əsasında hesablanır.
08
Kart aktivləşdirildiyi tarixdən etibarən 6 ay müddətində keçərlidir. Bu müddət admin panel vasitəsilə dəyişdirilə bilər.
09
Kart rəqəmsal endirim hüququ olduğu üçün aktivləşdirildikdən və ya müştəriyə təqdim edildikdən sonra geri qaytarılmır. Texniki səhv, yanlış hesablanma və ya AZEA Design Studio tərəfindən xidmətin təqdim edilə bilməməsi halında müraciət fərdi qaydada araşdırılır.
10
Kalkulyator ilkin hesablama üçündür. Yekun qiymət layihə analizi və AZEA Design Studio təsdiqindən sonra rəsmiləşir.